ندرت خیال بھی ہے -سلیقہ بیان بھی .....مگر

ایسی بات نہیں ہے کہ لاطینی امریکہ والے ہم سے زیادہ خوبصورت انداز میں سوچتے ہیں-اصل میں اردو زبان میں یا ہماری دوسری زبانوں میں جو ادب لکھا گیا ہے -اسے دوسری زبانوں میں منتقل کرنے کا عمل دیر میں شروع ہوا ہے-ورنہ میرے خیال میں پاک و ہند میں کہانی اور افسانہ جو لکھا گیا وہ کسی سے کم نہیں ہے-مجھے پاؤلو کی"گیارہ منٹ "پڑھتے ہوئے خیال آیا تھا کہ جو چیز منٹو نے یا رحمن مزنب نے طوائف کے بارے میں لکھی وہ پاؤلو کے ہاں آئے تو ہے مگر جتنی جاندار تحریر منٹو اور مزنب کی ہیں اتنی پاؤلو کی نہیں -تو ہمارے یہاں بھی خیال کی ندرت رکھنے والے موجود ہیں مگر المیہ یہ ہے کہ یہاں ان کی حوصلہ افزائی اس ترہ سے نہیں ہوتی جیسے دوسرے ملکوں میں ہوتی ہے-